Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Margrét ætlar einnig að halda áfram að kaupa dýrasta bensín sem hægt er. Allt fyrir umhverfið.


Of merkileg fyrir Costco Mun versla áfram við 10-11


Margrét Mjódal Magnúsdóttir Mött, segist vera allt of merkileg til þess að láta sjá sig í Costco.

„Ég þyrfti nú að vera búin með allavega hálfa vodkaflösku og svo sem eitt risa-toblerone áður en ég gæti einu sinni íhugað að fara í neytendafíflaröð í musteri græðginnar“, segir hún í kaldhæðinni stöðuuppfærslu á Facebook. 


Hún uppsker lof og hlátur vina sinna, sem keppast við að hæðast að heimskum almúganum sem að þeirra sögn kaupir nú alls kyns óþarfa eins og hann eigi lífið að leysa.

Margrét segir að það sé ekki bara umbúðastærðin sem hún hræðist. Hún hafi heyrt að grænmeti sé ómyglað í Costco, og verð svo lágt á hinum ýmsu vörum að það sé langt undir velsæmismörkum.

„Bragð af ómygluðum rauðlauk er nú bara allt of framandi fyrir mína íslensku tungu“, segir Margrét í óumbeðinni athugasemd hjá vinkonu sinni, sem var að gorta sig af því að hafa ekki þurft að henda helmingnum úr jarðaberjaöskjunni sem hún keypti í Costco, eins og hún hefur átt að venjast hingað til.

Margrét segist harðákveðin í því að versla áfram í 10-11, þar sem verðið sé svo hátt, að það sé öruggt að hún kaupi ekki nema allra allra allra brýnustu nauðsynjar. Og allt saman í pínulitlum pakkningum líka.

„Það er nefnilega svo stórkostlega umhverfisvænt að láta okra á sér.“






„Löggulíf“

Telur Miðflokksmenn talsvert undir meðalgreindPálmi Gestsson sem tók þátt í rannsókn Attenborough á Miðflokknum segir niðurstöðu rannsóknarinnar í senn sláandi og afgerandi.

Miðflokksmenn séu augljóslega langt undir meðalgreind, en kjósendur þeirra þó enn vitlausari.





Fara efst á síðu