Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Stefnuskrá Sjálfstæðisflokksins er bæði þéttskrifuð og sérlega umfangsmikil.


Bjarni Ben óttast ekki minnkandi fylgi flokksins Segir að stefna Sjálfstæðisflokksins sé traust, rótgróin, varanleg, eilíf, og almáttug


Bjarni Benediktsson sagði á Sprengisandi í morgun að hann svæfi bæði illa og lítið þessa dagana.

Hann sagðist bæði skjálfa á beinunum og pissa í buxurnar. Að auki sagðist hann þjást of morgunógleði, svima-, svita-, og kvíðaköstum, og miklum almennum, sem og óalmennum geðsveiflum. 


Hann bætti svo við að hann væri illa haldinn af hægðatregðu, beinverkjum, kláða, og furðulegum sviða í hársverði. Hann væri með króníska verki víða um líkamann, en þó sérstaklega í herðablöðum, baki, maga, fótum, haus, og hægra megin í nára.

Bjarni sagði að hann væri farinn að drekka allt of mikið kaffi, borðaði svínslega mikið af abt-mjólk, tæki of mikið af alls kyns pillum, og læsi orðið daglega bækur sem fjalla um hversdagsleg ævintýri Einars Áskels og pabba hans.

Hann sagðist ekki lengur hafa þor til þess að fylgjast með fjölmiðlum. Hann feldi sig yfirleitt undir borði í fjármálaráðuneytinu, til þess að þurfa ekki að horfast í augu við raunveruleikann.

Bjarni tók þó skýrt fram að hann hefði engar sérstakar áhyggjur af ört dalandi fylgi Sjálfstæðisflokksins, því hann hefði svo ótrúlega mörg stefnumál.






Herrann í Hádegismóum...






Fara efst á síðu