Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Ert þú sjálfstæðismaður?


10 atriði sem benda til þess að þú sért sjálfstæðismaður Engan veginn tæmandi listi


Gys.is heldur áfram að útskýra fyrir þjóðinni hvaða flokk hún ætti að kjósa. Ef þrjú eða fleiri atriði af eftirfarandi lista eiga við þig, þá ertu sjálfstæðismaður. Ef þú býrð í Garðabæ, þá er óþarfi að lesa listann, því þá ertu pottþétt sjálfstæðismaður.

10. Helstu fyrirmyndir þínar í lífinu eru Reagan og Thatcher.

9. Þú kannt lítið á internetið, en það er allt í lagi, því þú kannt á Morgunblaðið.

8. Þér finnst að kolkrabbi ætti að vera friðuð tegund.

7. Í hvert sinn sem þú heyrir minnst á kosningaloforð, þá hróparðu „PÓLITÍSKUR ÓMÖGULEIKI“, og hleypur í burtu.

6. Frændur þínir fá reglulega fyrirtæki að gjöf frá Landsbankanum, án þess að þú hafir nokkuð komið að málinu, né getir gert eitthvað í því.

5. Þú heldur að orðin „styrkur“ og „mútur“ þýði það sama.

4. Þú seldir fyrrverandi vinnuveitanda þínum íbúðina þína og leigir nú af honum. Þú ferð reglulega með honum í utanlandsferðir til að vinna að framgangi fyrirtækis hans, en ert á sama tíma á launum hjá íslenska ríkinu. Þér finnst þetta allt saman óskaplega eðlilegt og þú neitar þess vegna alfarið að svara spurningum tengdum málinu.

3. Þér finnst það ekki skipta öllu máli hvort þú sért sammála stefnu Flokksins eða ekki. Það væri veikleikamerki að hætta að kjósa hann.

2. Þú ert hlynnt/ur því að lögreglan vopnist, og þér finnst einnig fullkomlega sjálfsagt að hún njósni um borgarana, haldi um þá leyniskýrslur, og lumbri á þeim þegar á þarf að halda. Þér finnst fáránlegt að stórfyrirtæki megi ekki mæta í skóla og gefa merkjavarning. Þér finnst enn fáránlegra að Gideonfélagið hafi ekki fullan og óheftan aðgang að skólabörnum, og óskorað vald yfir þeim.

1. Þú þolir ekki trúleysingja, grænmetisætur, femínista, umhverfisvernd, eftirlitsstofnanir, Evrópusambandið, RÚV, hjúkrunarfræðinga, og Karl Ágúst Úlfsson. En þú ert ástfangin/n upp fyrir haus af íslensku krónunni.

Tengdar greinar:
10 atriði sem benda til þess að þú sért framsóknarmaður
10 atriði sem benda til þess að þú sért samfylkingarvera
10 atriði sem benda til þess að þú sért bæði vinstri og græn/n
Getur verið að barnið mitt sé pírati?
Er framtíðin svo björt að þú sefur með sólgleraugu?






„Löggulíf“






Fara efst á síðu