Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Akureyrarkirkja er eitt af helstu kennileitum hins friðlýsta svæðis


Akureyri friðlýst til að vernda furðufugla Löngu tímabær aðgerð


Akureyri verður fyrsta friðlandið í þéttbýli á Íslandi. Tilgangur friðunarinnar er að vernda tilteknar vistgerðir og búsvæði furðufugla, en megnið af Akureyringum tilheyrir þeim ættbálki.

Á Akureyri finnast reyndar þónokkrar tegundir furðufugla sem hvergi er annars staðar að finna og má þar nefna Schiöthara, KEA-korthafa og starfsfólk Amtsbókasafnsins. 


Sjálfsagt kannast fáir við Akureyri nema lesendur Tinnabókanna sem muna eftir því þegar Kolbeinn kapteinn fékk sér sódavatn þar.

En hvað er það sem gerir furðufuglana á Akureyri svona sérstaka og hvers vegna er rétt að friða þá?

Það er ýmislegt, en kannski helst matarsiðir þeirra. 

Þeir nærast nær eingöngu á Brynjuís og Greifapitsum. Stundum breyta þeir til og fá sér hamborgara, en þá troða þeir frönskum kartöflum í/á borgarann og gleypa svo allt gumsið í sig í einum bita.

Pulsur kalla þeir pylsur og vilja helst djúpsteikja þær og þekja svo með kokteilsósu og kryddi.

Með þessu öllu drekka þeir svo gjarnan bernaise-sósu.

Sjaldan sjást þeir fjarri heimahögum, því þeim er frekar illa við aðkomumenn og vilja því ekki sjálfir vera aðkomumenn annnars staðar. En eiga það þó engu að síður til að hópast saman í Kringlunni og Costco, þá helst á vorin og haustin.

Akureyringar ferðast aldrei nokkurn tíma með strætisvögnum, mest af ótta við að einhver sjái til. Og það þrátt fyrir að slíkur ferðamáti sé ókeypis í friðlandinu.

Þrátt fyrir allt þetta þykja furðufuglarnir á Akureyri besta fólk. Eða svo segja þeir sem hafa náð að kynnast einhverjum af svæðinu.

Það tekst þó ekki öllum, enda tekur að jafnaði nokkra áratugi að fá Akureyring til að svo mikið sem íhuga vinskap við einhvern utanaðkomandi.

RÚV






xB 2014






Fara efst á síðu