Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Skýrslan er ekki svona þykk. Hér eru undirskriftir þeirra sem vilja gera Faxaflóa að griðasvæði hvala


Sérpöntuð skýrsla vekur athygli Fyrir allt annað en raunsæi eða sannleiksgildi


Skýrsla um þjóðhagsleg áhrif hvalveiða sem Kristján Loftsson hvalveiðibarón pantaði með milligöngu nafna síns Kristjáns Þórs Júlíussonar, hefur vakið talsverða athygli.

Ekki fyrir það hversu fagleg eða vel unnin hún er, heldur frekar af þveröfugum ástæðum.


Fyrst ber að nefna að skýrslan er AÐ SJÁLFSÖGÐU unnin af fyrrverandi varaþingmanni Sjálfstæðisflokksins, enda sér sá flokkur ÆTÍÐ til þess að flokksmenn hans geti lifað góðu lífi á ríkisspenanum.

Í öðru lagi er augljóst að niðurstaða skýrslunnar var ákveðin fyrirfram. Helsti viðmælandi skýrsluhöfundar er þess vegna sá hinn sami og pantaði skýrsluna og niðurstöður hennar, sjálfur Kristján Loftsson.

Engan rökstuðning er að finna í skýrslunni, heldur viðist hún eingöngu byggja á tilviljanakenndum hugsunum höfundar síns, þar sem hann rembist við að komast að þeirri niðurstöðu sem Kristjánarnir fóru fram á.

Þeir fögnuðu líka báðir eins og vitlausir menn þegar skýrslan leit dagsins ljós. Enda sannfærðir um að hafa nú dauðrotað andstæðinga hvalveiða í eitt skipti fyrir öll.

En hugum þá að skýrslunni sjálfri og innihaldi hennar:

Í skýrslunni segir í stuttu máli að hvalveiðar séu allra meina bót. Þær séu beinlínis hollar, jafnt andlega sem líkamlega. Hinn mikli ferðamannastraumur sem legið hefur til landsins undanfarin ár sé eingöngu til kominn vegna áhuga alheimsins á hvalveiðum.

Hvalveiðar séu að auki bráðnauðsynlegar, því hvalir séu illar og skapstyggar skepnur sem éti allan fiskinn í sjónum og beri ábyrgð á veikri stöðu krónunnar, auknum fjölda umferðarslysa og almennum óróa á vinnumarkaði.

Allir sem ekki styðji hvalveiðar af fullum hug og rúmlega það séu ekkert annað en hryðjuverkamenn og réttast sé að fangelsa þá við fyrsta tækifæri og henda lyklinum út í sjó. Helst í höfuðið á einhverjum leiðindahval.

Skýrsluna sjálfa má finna hér.






xB 2014






Fara efst á síðu