Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Hvað slær klukkan?


Íhuga að breyta gangi klukkunnar Og mögulega gangi tímans sjálfs


Ríkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.


Þriðja hugmyndin er að breyta engu. En þá þarf Katrín Jakobsdóttir að fara heim til fólks á hverju kvöldi til að svæfa það, því annars fara allir allt of seint að sofa.

Sigmundur Davíð Gunnlaugsson er sérfræðingur í klukkum líkt og öllu öðru. Hann segir allar þessar hugmyndir ömurlegar, rétt eins og allar aðrar hugmyndir hinnar ömurlegu og hugmyndalausu ríkisstjórnar.

Hann vill að klukkan hefji göngu sína klukkan tólf á hádegi, gangi til eitt en snúi þá við og gangi til baka til tólf. Þannig geti landsmenn alltaf verið í hádegismat, rétt eins og hann sjálfur.

Guðmundur Steingrímsson fyrrverandi pólitíkus hefur einnig afar sterkar skoðanir á málinu eins og frægt er orðið. Hann segir að þetta sé mikilvægasta mál Íslands-, mannkyns- og jarðsögunnar. 

Hann segist hafa reiknað út að með því að færa klukkuna aftur um 1,00441 sólarhring, sé hægt að græða heilan dag á hverju einasta ári. Nema á hlaupárum, því þá græðist þegar heill dagur. Þess vegna megi færa klukkuna fram um rétt tæplega heilan dag á hlaupárum. 

Hann segir að þennan æðislega aukadag sé hægt að nýta til að grilla paprikur eða spila golf, æfa sig í vinstri umferð eða bara liggja í rúminu.

Félag íhaldsamra golfara er hins vegar alfarið á móti öllum breytingum, hvort sem þær snerta klukkuna eða eitthvað annað. Stjórn félagsins hefur sent frá sér harðorða yfirlýsingu þar sem sagt er að allar breytingar séu hringl, og allt hringl leiði að lokum til hærra vöruverðs og tortímingar mannkyns.

Bjarni Benediktsson fjármálaráðherra segir að sér sé slétt sama hvað klukkan sé og hvenær hún sé það. Þetta mál sé einungis sett fram til þess að landsmenn hafi eitthvað kjaftæði til að rífast um á meðan hann ræni bönkunum af skattgreiðendum og gefi þá til einkavina sinna.

Þar sem ríkisstjórnin hafi steingleymt að fara fram með hið árlega áfengisfrumvarp þá hafi þetta mál bara verið sett í gang í staðinn.

Bjarni vonast til að vera búinn að gefa alla bankana fyrir páska, svo hann hafi tíma fyrir kökuskreytingar og Panamaferðir í sumar. Eins þurfi hann að gefa sér tíma til að skrá nýtt netfang á AshleyMadison.com enda sé hann löngu hættur að vinna á N1.






Telur Miðflokksmenn talsvert undir meðalgreindPálmi Gestsson sem tók þátt í rannsókn Attenborough á Miðflokknum segir niðurstöðu rannsóknarinnar í senn sláandi og afgerandi.

Miðflokksmenn séu augljóslega langt undir meðalgreind, en kjósendur þeirra þó enn vitlausari.
„Löggulíf“






Fara efst á síðu