Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Dagur og Eyþór og Eyþór og Dagur


Hin pólitíska ábyrgð Eða þannig sko


Eyþór Arnalds, gaurinn sem lét konuna sína skipta um sæti við sig svo hann þyrfti ekki að axla ábyrgð á gjörðum sínum eftir að hann hafði keyrt blindfullur á ljósastaur, segir að borgarstjóri þurfi að axla ábyrgð.

Borgarstjóri er sammála og segist axla ábyrgð með því að víkja ekki, stíga ekki til hliðar og segja ekki af sér.


Þessi mikla ábyrgðaröxlun er til komin vegna braggamálsins svokallaða, sem héðan í frá verður kallað braggamálið svokallaða.

Braggamálið svokallaða er eitt skýrasta dæmið um pólitískt ábyrgðarleysi og sjálftöku í íslenskri stjórnmálasögu, sem er einmitt uppfull af dæmum um pólitískt ábyrgðarleysi og sjálftöku.

Það er því vel við hæfi að borgarstjóri bregðist við líkt og aðrir íslenskir stjórnmálamenn sem hafa „lent í“ pólitísku ábyrgðarleysi og sjálftöku og lýsi yfir fullkomnu ábyrgðarleysi á ábyrgðarleysinu, en segist á sama tíma axla ábyrgð með því að sýna áframhaldandi ábyrgðarleysi og gera ekkert.

Hann segir að ákveðnir borgarstarfsmenn séu nú þegar búnir að taka á sig ábyrgðina, og 400 milljónir séu ekki svo stór upphæð í hinu stóra samhengi.

„Hvað fær maður svo sem fyrir 400 milljónir nú til dags,“ spyr Dagur.

„Það er ekki mikið,“ svarar hann sjálfum sér. 

„Maður getur fengið þrjá milljarða lítra af mjólk, nú eða sjöhundruð skrilljón eyrnapinna. En ég þekki engan fyrir utan Guðna Ágústsson sem gæti torgað slíku magni af mjólk með góðu móti. Og ég held að maður þyrfti svo sannarlega að hafa fleiri en tvö eyru til að hafa eitthvað að gera við svona marga eyrnapinna.“

Dagur segist þó sjálfur ætla að rannsaka braggamálið svokallaða, aðallega til þess að aðrir geri það ekki.

Mbl.is






Herrann í Hádegismóum...

Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.





Fara efst á síðu