Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Svona lítur dæmigerð skötuveisla út. Það er alltaf einn með jólasveinahúfu.


Sumir fá sér skötu Aðrir ekki


Sumir Íslendingar ætla að borða skötu í dag, en aðrir ekki.

Af þeim sem fá sér skötu hafa flestir fengið sér skötu áður, en aðrir ekki.


Þeir sem fá sér skötu fá sér flestir kartöflur með. Sumir fá sér tvær, aðrir þrjár, en þeir allra svöngustu fá sér fjórar og jafnvel fimm.

Ekki er ljóst á þessu stigi málsins hvað fólk drekkur með skötunni, svo við giskum bara á vatn, bjór, íslenskt brennivín eða sporðdrekaþvag.

Flestum finnst skatan vond, en fólk keppist þó við að lýsa því yfir að hún sé góð, til þess að vera eins og allir hinir.

Mikill meirihluti Íslendinga ætlar reyndar alls ekki og engan veginn að borða skötu, en þessi frétt fjallar ekki um þá.

Í kvöldfréttum RÚV mun fréttamaður smakka skötuna í beinni útsendingu, rétt eins og í fyrra og raunar síðustu 30 ár. 

Á næsta ári mun þessi frétt svo verða endurbirt án breytinga, en við munum þó breyta ártalinu ef við gleymum því ekki. (Muna að breyta ártalinu)

Á morgun verðum við með frábæra framhaldsfrétt sem fjallar um þá sem borða hamborgarhrygg, en alls ekki um þá sem gera það ekki.


Þessir menn borða mögulega skötu. Allavega er annar þeirra með kokkahúfu og hinn er með eitthvað í hendinni.

Ekki er ljóst af hverju ljósmyndarinn hefur svona mikið pláss fyrir ofan mennina tvo. Mögulega var hann að borða skötu.



RÚV






Telur Miðflokksmenn talsvert undir meðalgreindPálmi Gestsson sem tók þátt í rannsókn Attenborough á Miðflokknum segir niðurstöðu rannsóknarinnar í senn sláandi og afgerandi.

Miðflokksmenn séu augljóslega langt undir meðalgreind, en kjósendur þeirra þó enn vitlausari.
xB 2014






Fara efst á síðu