Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Ef að þú óttast að barnið þitt sé pírati, þá skaltu umsvifalaust skrá það í Sjálfstæðisflokkinn


Getur verið að barnið mitt sé pírati? 10 atriði sem benda til þess að svo sé


Einn helsti ótti flestra foreldra er að barnið þeirra kunni að vera pírati.

Oft getur þó verið erfitt að átta sig á því hvort svo sé. Gys.is hefur þess vegna tekið saman 10 einkenni sem benda eindregið til þess að barnið þitt sé raunverulega raunverulegur pírati.


Ef þrjú eða fleiri atriði eiga við barnið þitt, þá er það allavega á mörkum þess að breytast í pírata.

10. Barnið virðist hvorki óttast tölvur né tækni. Þvert á móti sýnir það öllum tækninýjungum áhuga, og kann jafnvel að „forrita“.

9. Barnið telur sig eiga heimtingu á því að „deila“ rafrænum eigum sínum með öðrum.

8. Barnið virðist kunna skil á alls kyns torkennilegum hugtökum og skammstöfunum, svo sem „torrent“, „USB“, „RAM“, „GHz“ og „stjórnarskrá“.

7. Þú hefur staðið barnið að því í búðarferð, að spyrja afgreiðslufólk hvort hægt sé að greiða með „bitcoin“.

6. Barnið lýkur alltaf máli sínu með orðunum: „Að lokum legg ég til að fundir fastanefnda Alþingis verði að jafnaði opnir“, og á það jafnvel til að „rappa“ dægurlagatexta í ræðustól.

5. Barnið ber takmarkaða virðingu fyrir hefðbundnum klíkuskap og helmingaskiptareglum. Notar gjarnan einkennilega frasa eins og „gagnsæi í stjórnsýslu“.

4. Barnið lætur afnema lög gegn guðlasti.

3. Barnið á það til að hætta á þingi á miðju kjörtímabili.

2. Barnið mælist með óeðlilega hátt fylgi í skoðanakönnunum. Svo hátt, að það virðist varla trúa því sjálft.

1. Barnið er með staurfót og lepp fyrir öðru auga.



Tengdar greinar:
Er framtíðin svo björt að þú sefur með sólgleraugu?
10 atriði sem benda til þess að þú sért bæði vinstri og græn/n
10 atriði sem benda til þess að þú sért samfylkingarvera
10 atriði sem benda til þess að þú sért sjálfstæðismaður
10 atriði sem benda til þess að þú sért framsóknarmaður






xB 2014






Fara efst á síðu