Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Bjarni Ben eða íslenska járnfrúin eins og hann er kallaður í daglegu tali


Íslenska andverðleikasamfélagið orðið að útflutningsvöru Nú getur Sjálfstæðisflokkurinn líka komið í veg fyrir frama Íslendinga erlendis


Í vikunni bárust af því fréttir að Bjarni Ben hefði komið í veg fyrir ráðningu Þorvaldar Gylfasonar sem ritstjóra norræns hagfræðirits. Ekki er óvanalegt að sjá svona óheilbrigða hegðun hjá sjálfstæðismönnum, en hitt er nýtt að bláa krumlan nái að teygja sig út fyrir landsteinana.

Bjarni viðurkennir fúslega að Þorvaldur búi yfir bæði menntun og starfsreynslu sem hefði nýst honum vel í þessu starfi og að Þorvaldur sé meira en fyllilega hæfur til þess að gegna því. Hins vegar sé hann ekki í Sjálfstæðisflokknum og því augljóslega í hlutverki Bjarna, sem formanns stærsta andverðleikaflokksins, að gera allt sem hann getur og meira til í þeim tilgangi að hindra frama hans og draga úr almennri lífshamingju.

Bjarni segir líka að Þorvaldur, sem er einmitt hagfræðingur, væri t.d. miklu hæfari en hann sjálfur til að gegna embætti fjármálaráðherra.

En ekki sé spurt að því. Hæfileikar og þekking séu aukaatriði. Aðalatriðið sé virkt og staðfest flokksskírteini og staurblind hollusta við flokksforystuna.

Eða eins og Bjarni orðaði það: „Hvernig heldurðu eiginlega að Hannes Hólmsteinn hafi orðið háskólaprófessor?!“

Landsmenn skiptast í tvær fylkingar vegna málsins eins og svo oft áður. Sumir eru forviða yfir framgöngu formannsins og jafnvel enn meira yfir því að hann skammist sín ekki einu sinni fyrir síendurtekna ógeðshegðun sína

Aðrir segja ekkert nýtt í þessu. Bjarni sé líkt og flestir fyrrum formenn flokksins ámátlegur aumingi og skelfilegt skítseiði að auki.

Bjarni segir alls ekki óhugsandi að svo sé og telur það jafnvel nokkuð líklegt, ef ekki bara algjörlega pottþétt. Hins vegar sé hann í réttum flokki og þess vegna séu honum allir vegir gríðarlega greiðfærir í íslenska andverðleikasamfélaginu.

Að kunna að skammast sín sé því mannkostur sem sé honum engan veginn nauðsynlegur og jafnvel til trafala.

Kjarninn






Herrann í Hádegismóum...






Fara efst á síðu