Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Árni Pétur Jónsson, forstjóri Skeljungs. Mynd: vb.is


Skeljungur mokar fé úr almennum sjóðum í eigin vasa Og finnst það bara sjálfsagt


Okurfélagið Skeljungur stökk á spena ríkisins sex dögum eftir að hafa greitt út 600 milljóna króna arð til eigenda sinna.

Ekki af því að það geti talist siðleg ákvörðun, heldur af því að stjórnendur töldu ekki líklegt að þetta kæmist í fjölmiðla.


Að auki er græðgi eigenda og forstjóra félagsins takmarkalaus. Þar sem íslensk okurfélög starfa á fákeppnismarkaði í skjóli pilsfaldakapítalisma þá er stjórnendum þeirra og eigendum líka gjörsamlega skítsama um almenningsálitið.

Árni Pétur Jónsson, forstjóri Skeljungs, segir að það sé fullkomlega eðlilegt að fyrirtæki geri allt sem í þeirra valdi stendur til að hámarka gróða sinn, hversu siðlaust sem það kunni að vera, svo lengi sem það sé löglegt, hálflöglegt eða fullkomlega ólöglegt.

„Fisst Bláa lónið máetta þá megum vietta líga“, segir Árni, frussandi af frekju og hneykslaður á því að þurfa yfir höfuð að svara spurningum um starfsemi Skeljungs.

„Skeljúngur er sérátt séreignafélag sem er í eigu rosa ríka og flotta fólksins og við megum alltaf græða eins mikið og við viljum ef við bara styrkjum Sjálfstæðisflokkinn,“ útskýrir Árni fyrir blaðamanni, öskrandi af bræði hins réttláta kapítalista.

Að lokum vill Árni undirstrika að þrátt fyrir að heimsmarkaðsverð á olíu hafi bókstaflega farið í mínus á undanförnum vikum, þá muni verðið aldrei lækka á Íslandi, því íslensk olíufélög eigi alltaf öll svo rooooosalega miklar birgðir þegar verð lækkar en engar þegar verð hækkar.

Hann segir að það hittist bara ALLTAF þannig á, fyrir einskæra tilviljun.

Stundin






Eldhúsdagsdansinn






Fara efst á síðu