Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Dagur og Kári fóru í hár saman. Í bókstaflegri merkingu.


Ekki hægt að hækka laun þeirra lægstlaunuðu Ekki frekar en venjulega


Dagur B. Eggertsson, borgarstjóri og formaður Hjólreiðafélags jafnaðarmanna, segir útilokað að hækka laun þeirra lægstlaunuðu svo einhverju nemi.

Það sé vegna þess að „þá verði þeir sem eru með hærri laun ekki lengur með jafn mikið hærri laun heldur aðeins minna hærri laun og þá fari þeir í fýlu yfir því að hafa ekki lengur jafn mikið hærri laun og áður“.


Dagur segir að þetta sé því vonlaus hugmynd og mögulega galin líka ef ekki snarvitlaus. Allavega rosalega klikkuð. Fólk muni pottþétt hætta að nenna að mennta sig og fari bara á topplaun algjörlega ómenntað og hálfheimskt einhvern veginn, ef ekki útúrruglað.

Kári Stefánsson, forstjóri Íslenskrar erfðagreiningar er ekki sérlega sammála Degi en þeim mun meira ósammála.

Hann segir að menntun sé eitt mesta böl mannkyns og að með hverju ári sem fólk sitji á skólabekk að grunnskóla loknum verði það gagnslausara fyrir sjálft sig, vinnuveitanda sinn og samfélagið allt.

Réttast væri að borga ómenntuðum hæstu launin og lækka þau svo stig af stigi eftir því sem fólk menntar sig meira.

Kári segir að það kæmi sér líka afar vel fyrir Íslenska erfðagreiningu, því þar sé mikið af sprenglærðum spekingum og sérhæfðum sérfræðingum á allt of háum launum.

Þess má geta að mánaðarlaun Dags eru eitthvað á þriðju milljón á meðan Kári hefur tæpar 30 miljónir á mánuði.

Þeir eru því augljóslega hvor öðrum hæfari og hentugri þegar það kemur að því að meta hversu lág læstu laun mega vera til að fólk geti næstum því lifað af þeim.

Eyjan






„Löggulíf“






Fara efst á síðu