Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Glatt á hjalla hjá góðum félögum.


Segist bara jafn vanhæfur og venjulega Alveg óhætt að hafa hann áfram á spenanum


Kristján Þór Júlíusson, Samherjaráðherra, segist bæði finna fyrir trausti og vantrausti. Aðallega vantrausti en þó samt smá trausti. Kannski engu trausti, en allavega gríðarlega miklu vantrausti.

Halldóra Mogensen, þingmaður Pírata, spurði Kristján Þór í óundirbúnum fyrirspurnatíma á Alþingi í dag hversu margir þyrftu að lýsa yfir fullkomnu vantrausti til þess að hann axlaði nú einu sinni ábyrgð í lífinu og segði af sér.

Kristján sagði að því væri auðsvarað. Hann kynni ekki að telja og því væri spurningin alveg út í hött.

Tölur væru í hans huga bara einhverjir töfrar sem enginn gæti skilið. Mögulega væru þær ekki einu sinni til í alvörunni.

Að lokum bað hann fólk um að róa sig og láta sig í friði. Hann hygðist bara halda áfram að vera nákvæmlega jafn vanhæfur og áður og myndi að sjálfsögðu halda áfram að að þiggja bæði laun og mútur af bestu lyst.

En það þyrfti þó enginn að hafa áhyggjur af embættisfærslum hans, því hann hefði aldrei gert handtak á ævinni og að þar verði engin breyting á.

RÚV






„Löggulíf“






Fara efst á síðu