Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Þar sem tvær löggur koma saman, þar eru kleinuhringir.


Úr dagbók lögreglu Nóg að gera þó kaupið sé lágt


Skömmu fyrir hálfátta í gærkvöld handtók lögreglan óvart mann sem var á gangi með hundinn sinn. Hann verður látinn dúsa í fangaklefa uns lögreglan getur skáldað upp ástæðu fyrir handtökunni.

Rétt fyrir átta var tilkynnt um hálfberan mann á hlaupum á Austurvelli. Kom í ljós að þar var á ferðinni Gunnar Bragi Sveinsson. Hann gistir fangageymslu þar til rennur af honum.


Skömmu fyrir hálfþrjú í nótt voru þrír aðilar handteknir vegna gruns um fíkniefnamisferli, en í ljós kom að eingöngu var um að ræða fíkniefnaferli en ekkert mis.

Rétt fyrir hálfátta var tilkynnt um líkamsárás þar sem þolandi hlaut minniháttar meiðsli. Var árásarmanninum sleppt enda þykir ofbeldi ekkert tiltökumál á Íslandi.

Tveir ökumenn voru handteknir vegna gruns um akstur undir áhrifum. Annar þeirra reyndist þó einungis vera undir áhrifum af sjálfum sér, enda um að ræða frægan og flottan áhrifavald. Hinn var skotinn á staðnum.

Rétt eftir hálfeitt var tilkynnt um bruna í bifreið, en slökkvilið slökkti eldinn og sýndi atburðinn læv á facebook með nýju flottu hitamyndavélinni sinni.

Um tíu var tilkynnt um grunsamlegar mannaferðir. Þar var Gunnar Bragi aftur á ferð, en hann hafði sloppið úr fangaklefa sínum á óútskýrðan hátt. Hann neitaði að snúa aftur í klefa sinn nema hann fengi að minnsta kosti þrjá bjóra til viðbótar.

Rétt fyrir hálffjögur var maður handtekinn vegna þess að hann var með skilti áletrað „xM“. Hann verður færður á geðdeild í dag.

Skömmu eftir sjö var tilkynnt um hræðilegan hávaða og óhljóð utandyra. Friðrik Dór var færður keflaður á lögreglustöð til yfirheyrslu.

Fréttablaðið






Herrann í Hádegismóum...






Fara efst á síðu