Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Allt eru þetta frábærir bæjarstjórar eins og sjá má af launum þeirra


Bestu bæjarstjórar heimsins eru allir íslenskir Kemur ekki á óvart


Allir bestu bæjarstjórar alheimsins eru íslenskir og flestir enn að störfum.

Þetta má ráða af launagreiðslum, því engin önnur leið er fær til að meta hæfni þeirra.


Og laun flestra íslenskra bæjarstjóra eru hærri en laun margra borgarstjóra í erlendum stórborgum, svo sem stjóranna í New York, London og Latabæ.

Oftast er um að ræða sjálfstæðismenn, enda eru þeir almennt hæfari en aðrir og sjá að auki alfarið sjálfir um að ráða sjálfa sig í stöður bæjarstjóra, þökk sé einbeittum brotavilja íslenskra kjósenda.

Allra langbestasti bæjarstjóri alheimssögunnar sem og fleiri sagna hefur því miður látið af störfum, í bili allavega. Það er auðvitað enginn annar en sjálfur Árni Sigfússon. 

Hann er svo hæfur að hann getur sett bæjarfélag á hausinn á örfáum dögum, með eða án atrennu.

Gys.is hefur áður fjallað um einstaka hæfileika Árna á sviði fjárútláta, klíkuskapar og spenasogs.

Já, það er svo sannarlega best að búa á Íslandi.

Allavega ef maður er bæjarstjóri.






Eldhúsdagsdansinn






Fara efst á síðu