Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Ási reyndist vera leynivopnið sem flokkinn bráðvantaði í kosningabaráttuna


Gleymdist að loka Ása inni Allt er gott sem endar vel


Bjarni Benediktsson, starfandi forsætisráðherra, segir að mannleg mistök hafi leitt til þess að Ásmundur Friðriksson fær að leika lausum hala í kosningabaráttunni.

Venjan sé að læsa hann inni á klósetti í Valhöll í aðdraganda kosninga, svo hann skaði ekki fylgi flokksins sem verður viðkvæmara með hverri kynslóð.


Ásmundur hefur nýtt frelsi sitt til hins ýtrasta. Hann hefur m.a. framkvæmt alls kyns reiknikúnstir og komist að niðurstöðum sem eru í besta falli hlægilegar.

Hann hefur einnig dásamað United Silicon og verið með vikulegan matreiðsluþátt á ÍNN þar sem hann steikir endaþarma af ýmsum furðuskepnum, og snæðir svo með bestu lyst.

Að auki hefur hann lýst yfir fullum stuðningi við Donald Trump, Harvey Weinstein, og Zorglúbb.

Öfugt við það sem ímyndarsérfræðingar bjuggust við, þá hefur fylgi Sjálfstæðsflokksins ekki beðið skaða af þessu furðulega háttalagi, nema síður sé.

Ástæðan er þó augljós. Hrædda fólkið sem áður ætlaði sér að kjósa Íslensku örfylkinguna hefur stokkið á vagn Ása.

Bjarni hefur því hætt við að setja þingmanninn í geymslu. Í staðinn verður hann sendur með hraði í raðviðtalsþætti á Útvarpi sögu, þar sem hann fær að spúa vitleysu og ósannindum að vild yfir báða hlustendur stöðvarinnar.

Bjarni segist feginn þessum farsælu endalokum, enda leiði Ásmundur óneitanlega athygli frá umræðu um hans eigin frændhygli og fjármálaspillingu.






Eldhúsdagsdansinn






Fara efst á síðu