Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Eigandi veitingastaðarins var sjanghæaður í beinni útsendingu.


Veitingastaður á Akureyri settur á hausinn í beinni útsendingu Það verður jú að fylla fréttatímann


Kínverska veitingastaðnum Sjanghæ var lokað fyrir fullt og allt af fréttamanni RÚV í þráðbeinni og hörkuspennandi útsendingu fyrr í vikunni.

Ástæða lokunarinnar ku vera sú að fréttamanninum gekk afar illa að finna eitthvað fréttnæmt á Akureyri, því þar gerist auðvitað aldrei neitt.


Fréttamaðurinn brá því á það ráð að leita til spávölvu sem sérhæfir sig í hneykslanlegum norðlenskum fréttum, og átti m.a. upphafið að stóra Lúkasarmálinu hér um árið.

Samkvæmt Völvunni var víst ekki allt með felldu á fyrrnefndum veitingastað.

Fréttamaðurinn brást samstundis við, og ásakaði eiganda staðarins m.a. um illa meðferð á starfsmönnum og leirtaui. Sagði einnig að hann talaði lélega íslensku og jafnvel enn verri kínversku. Á matseðlinum væri eingöngu óætt hrísgrjónadrasl og rottukjöt, og spiluð væri illskiljanleg og taugatrekkjandi kínversk graðhestamúsík í veitingasalnum allan sólarhringinn.

Við nánari skoðun reyndist ekkert af þessum staðhæfingum fréttamannsins eiga við rök að styðjast. 

Fréttmaðurinn segir það hins vegar algjört aukaatriði.

Mikilvægara sé að segja krassandi og æsilegar háspennufréttir, en að segja satt og rétt frá.

Það sé líka allt of tímafrekt, og í raun grútleiðinlegt, að kanna hvort einhver fótur sé fyrir fréttum í raunveruleikanum.

RÚV 1
RÚV 2






Herrann í Hádegismóum...






Fara efst á síðu