Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Sigmundur kannast lítið við raunveruleikann og telur hann nokkuð fjarstæðukenndan


Mætir svo illa í vinnuna að hann þekkir ekki vinnufélagana Kannast samt ekki við það


Svo langt er síðan að Sigmundur Davíð Gunnlaugsson mætti í vinnuna, að hann hefur ekki hugmynd um það hverjir sitja á þingi um þessar mundir.

Hann hefur brugðist ókvæða við tillögum þess efnis að hann mæti annað slagið í vinnuna.

„Ég er duglegastur allra þingmanna og hef alltaf verið“, útskýrir Sigmundur.


„Það er algengur misskilningur meðal nettrölla og varaþingmanna að maður þurfi að mæta í vinnuna til að vinna. Ég vinn nefnilega ekki í vinnunni, heldur á leyndóstað þar sem tröllin sjá mig ekki“.

Sigmundur segir það einnig misskilning að hann þekki ekki vinnufélagana. Hann þekki þá alla, suma meira að segja bæði í sjón og með nafni.

Hins vegar sé hann löngu hættur að kannast við fjölskyldu sína. Einmitt vegna þess hversu duglegur hann sé að vinna.

„Það eru örugglega svona 6 eða 7 ár síðan ég sá 4 ára dóttur mína síðast. Það getur vel verið að hún sé búin að fermast og allt, ég frétti ekki neitt af neinu af því að ég er alltaf sívinnandi“.

Að lokum segist Sigmundur ekki ætla að mæta til vinnu á ný, fyrr en hann fái aftur að verða formaður Framsóknarflokksins og forsætisráðherra.

Vísir






Eldhúsdagsdansinn






Fara efst á síðu