Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Benedikt og Óttarr hafa ekki sést sitt í hvoru lagi frá kosningum.


Kemur ástmanni sínum til varnar Samt feginn að þurfa ekki að verja eigin hendur


Benedikt Jóhannesson segir óþolandi að verða vitni að þeirri ofbeldisumræðu (hjá Viðreisn má nota orðið ofbeldi yfir hvað sem er) sem nú á sér stað á samfélagsmiðlum, vegna náins sambands hans við Óttarr Proppé.

Hann segist aldrei hafa átt í ástarsambandi við meiri ljúfling en Óttar.


„Hann er mikið mjúkmenni og eiginlega algjört bangsaskott. Ég hef kynnst honum náið á undanförnum dögum og vikum, bæði í almennu kaffispjalli, en einnig í ótal rómantískum gönguferðum í kringum tjörnina og næsta nágrenni.

Ég held að það sé óhætt að segja að í hvert einasta skipti hafi hann komið mér á óvart með innsæi sínu, kærleika, og klæðaburði. Hann kann líka ótal sögur af íkornum og útigangsfólki.“

Benedikt segir að í sínum huga hafi Óttarr fullt leyfi til að taka upp ástarsamband við hvern sem er, sama hver hafi sagt hvað fyrir kosningar.

„Nú er komin upp gjörbreytt staða. Bjarni Ben er búinn að fara í klippingu, Vinstri grænir harðneita að breytast í hægriflokk, og Ísland tapaði fyrir Króatíu.“

Þrátt fyrir allt þetta vesen segist Benedikt þakklátur fyrir það að gagnrýnin skuli öll beinast gegn Óttari en ekki sér.

„Kjósendur hafa greinilega vitað að við myndum stökkva beint í fangið á Sjálfstæðisflokknum. Jafnvel þó við höfum reynt að láta annað í veðri vaka. Þannig að kjósendur eru greinilega ekki alvitlausir, hvað sem segja má um úrslit kosninganna.“

Að lokum tekur Benedikt skýrt fram að hvorki hann né Óttarr hafi komið nálægt árlegri jólageitarbrennu Ikea. Hann útilokar þó ekki að Bjarni Ben hafi verið að verki, enda búi hann í Garðabæ.







Telur Miðflokksmenn talsvert undir meðalgreindPálmi Gestsson sem tók þátt í rannsókn Attenborough á Miðflokknum segir niðurstöðu rannsóknarinnar í senn sláandi og afgerandi.

Miðflokksmenn séu augljóslega langt undir meðalgreind, en kjósendur þeirra þó enn vitlausari.
Eldhúsdagsdansinn






Fara efst á síðu