Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Þrátt fyrir allt þykir myndin raunsönn lýsing á íslensku samfélagi


„Ég er kominn heim“ hlaut Gullasnann Þótti skara fram úr


Kvikmyndin „The Shining“, eða „Ég er kominn heim“, eins og hún kallast á íslensku, hlaut í gær Gullasnann á kvikmyndahátíð Kaupfélags Skagfirðinga. Gagnrýnendur keppast við að ausa myndina lofi.

Myndin varð hlutskarpari en aðal keppinautur hennar, „Ég nenni ekki að telja neinar helvítis baunir“, en sú mynd fjallar um konu sem er langt leidd af fullkomnu aðgerðaleysi.


Sumir segja að „Ég er kominn heim“ sé fyrst og fremst raunsannur farsi, á meðan aðrir leggja meira upp úr kostulegum mannlýsingum, sem og gríðarlega jákvæðri landkynningu.

Myndin fjallar um mann sem sér heiminn á hvolfi, sem og allt sem í honum er. Þessi kostulega heimssýn leiðir af sér röð furðulegra og ófyrirsjáanlegra atvika, sem eru í senn bæði óborganlega fyndin og óendanlega sorgleg.

Söguhetjan þykir með þeim skrautlegri sem sést hafa á hvíta tjaldinu lengi. Ekki er nóg með að maðurinn (og áhorfendur) sjái heiminn á hvolfi, heldur er hann einnig uppfullur af alls kyns sérvisku og sérkennilegheitum.

Hann gengur í ósamstæðum skóm, borðar peruköku í öll mál, úthlutar óumbeðnum styrkjum í smáskilaboðum, lækkar skatta á sjálfan sig, verður margsinnis margsaga, og setur að lokum heimsmet í að setja heimsmet.

Í flokki heimildarmynda varð skattrannsóknarmyndin „Hvar í fjandanum finnur maður Finn“ hlutskörpust, en annað sæti hlaut matarklámmyndin „Pulsur, mjólk og íslenskt brennivín - matarræði mitt í áranna rás“, eftir Guðna Ágústsson.

Eyjan






„Löggulíf“






Fara efst á síðu