Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Jón byggir skoðanir sínar að mestu leyti á biblíulestri og pípureykingum


Hefur brjálæðislega sterka skoðun á útgöngu Ágústu Evu úr vikulegum þætti Gísla Marteins


Jón Jónsson hefur gríðarlega sterkar skoðanir á útgöngu Ágústu Evu úr vikulegum rappþætti Gísla Marteins, sem sýndur er vikulega í hverri viku á RÚV.

Jón hefur deilt skoðunum sínum af áfergju með landsmönnum öllum, bæði í kommentakerfum vefmiðla, á samfélagsmiðlum, og í símatímum útvarpsstöðva.


Jón vinnur nú að langri og ítarlegri heildargreiningu á málinu öllu, sem hann hyggst senda á alla prentmiðla landsins eftir helgi. Hann hefur einnig pantað sér sápukassa sem hann hyggst standa á í Austurstræti, Kringlunni, og Smáralind, til að koma skoðunum sínum á framfæri við þá sem ekki hafa náð að kynna sér þær með öðrum hætti.

Dugi það ekki þá er möguleiki á því að hann fjárfesti í bréfdúfum og hugskeytabúnaði, til að tryggja að enginn geti verið í vafa um það hver sé skoðun hans á þessu mikilvæga máli sem snertir okkur öll svo djúpt.






„Löggulíf“






Fara efst á síðu