Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Nú þurfa landsmenn ekki lengur að velkjast í vafa um gæði núverandi ríkisstjórnar


Ríkisstjórn Íslands neyðist til að auglýsa eigið ágæti Á kostnað skattgreiðenda


Ríkisstjórn Íslands hefur brugðið á það ráð að auglýsa eigið ágæti, sökum þess hve treglega gengur að útskýra fyrir kjósendum að hún sé sannarlega besta ríkisstjórn mannkynssögunnar.

Ekki þótti réttlætanlegt að ganga í sjóði stjórnarflokkanna, þar sem þeir munu þurfa á þeim að halda í komandi kosningabaráttu. Það var því brugðið á það ráð að láta skattgreiðendur borga brúsann, eins og endranær.

Ekki náðist í Sigmund Davíð við vinnslu fréttarinnar, þar sem hann var upptekinn við að aka um göngustíga á Þingvöllum.

Bjarni Ben var hins vegar ekki í vafa um að notkun á almannafé í pólitísku auglýsingaskyni væri ekki bara réttlætanleg, heldur hreinlega æskileg.
„Þetta er allt gert fyrir skattgreiðendur nefnilega. Við erum að opna augu þeirra. Skattgreiðendur eiga bæði rétt og heimtingu á því að vera vel upplýstir um takmarkalausa hæfileika mína og samráðherra minna“, sagði Bjarni, og skartaði sparisvip sínum í tilefni dagsins.

Skattgreiðendur sem og landsmenn allir hafa að vonum brugðist vel við þessu uppátæki, og vona að áframhald verði á þessu fyrirkomulagi. Enginn fagnar þessu þó meira en Jóhannes útskýrari, enda minnkar þetta álag á hann um 95,7%.

Stundin






Herrann í Hádegismóum...






Fara efst á síðu