Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Langholtsskóli. Eru börnin örugg í skóla þar sem mannréttindi eru virt á kostnað kristninnar?


Hörmuleg tíðindi úr Langholtsskóla Hafa skólastjórnendur gengið af göflunum?


Hörmuleg tíðindi og ill bárust úr Langholtsskóla í vikunni. Fyrstu fréttir voru á þá leið að hinir aumkunarverðu og trúfjandsamlegu skólastjórnendur, ætluðu að banna jólaskraut, jólalög, þjóðsönginn, og jafnvel jólin sjálf.

Þeir ætluðu að leggja kristin gildi þjóðarinnar í rúst, og útrýma umburðarlyndi, með því að halda börnunum í skólanum á aðfanga- og jóladag, sem og á föstudaginn langa. Þar yrðu börnin þvinguð til að borða halal-kjöt, og svínakjöt yrði með öllu bannað.

Til að svíkja uppruna sinn algjörlega, ætluðu skólastjórnendur að auki að breyta öllum kirkjum landsins í moskur, segja „fuck you“ við íslensku þjóðina, og setja tunguna á kaf í boruna á islam (hvað sem það nú þýðir).

Í skólum yrði andkristni ástunduð af miklum móð, í þeim tilgangi að gera börnin skrítin. 

Síðar kom í ljós að þessar fréttir reyndust lítillega ýktar.

Hins vegar er raunveruleikinn jafnvel verri. Skólastjórnendur ætla nefnilega að rjúfa þá aldagömlu hefð, sem ástunduð hefur verið í u.þ.b. 15 ár, að fara með börnin í kirkju á skólatíma!

Þessi tíðindi þykja undrum sæta, enda eru Íslendingar kristin þjóð, sem hefur enga þörf fyrir það að slíku trú- og skoðanafrelsi sé troðið upp á hana. Sérstaklega ekki varnalaus börnin.

Hugur allra Íslendinga hlýtur því að vera hjá þeim foreldrum sem nú þurfa sjálfir að hafa fyrir því að draga börn sín til messu á aðventunni.

DV
Nútíminn






Eldhúsdagsdansinn






Fara efst á síðu