Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Frá undirritun samninga við CCP, afsakið - PCC.


Bergur Elías spilltastur í ágúst Heldur að Draumalandið sé leiðbeiningabæklingur fyrir spillingarpésa


Fyrrum sveitarstjóri Norðurþings, Bergur Elías Ágústsson, tekur um næstu mánaðamót til starfa hjá þýska fyrirtækinu CCP, afsakið - PCC, sem reisir nú kísilver á Bakka. Sem sveitarstjóri beitti hann sér af krafti fyrir því að kísilverið risi og undirritaði viljayfirlýsingu Norðurþings og CCP, afsakið - PCC, þar sem sveitarfélagið gefur fyrirtækinu fyrirheit um umtalsverðar ívilnanir í formi afslátta af sköttum og gjöldum. 

Það má því segja að spilling Bergs sé bæði einstaklega tær og gagnsæ. Spillingarsérfræðingar eru á einu máli um að hún sé bæði fallega grímulaus, og svo augljós í einfaldleika sínum, að ekki hafi verið hægt að líta framhjá Bergi þegar spilltasti Íslendingur ágústmánaðar var valinn.

Bergur Elías er auðvitað stoltur og ánægður, en að sama skapi hógvær:

„Þetta er auðvitað mikill heiður. Sérstaklega þar sem að hér á Íslandi er gríðarlega hörð samkeppni í spillingu. En ég ákvað strax að fylgja hefðbundnum spillingarleiðum, og í rauninni fylgdi ég bara leiðbeiningunum í Draumalandinu“. (sjá myndband neðst í frétt)

En hvert verður hlutverk þitt í þessu nýja starfi hjá CCP, afsakið - PCC?

„Mínu hlutverki er löngu lokið, nú er bara að njóta ávaxtanna. Það eina sem ég þarf að gera héðan í frá er að strauja launaseðlana mína, og setja þá í fallega leðurbundna möppu.

Að lokum vil ég bara þakka íslensku þjóðinni fyrir að sætta sig við svo mikla spillingu sem raun ber vitni. Þið eruð öll æðisleg!“, segir Bergur Elías að lokum, og kyssir bikarinn sem hann hlaut að launum djúpum, innilegum, og rennblautum spillingarkossi, eins og Íslendinga er siður.



RÚV
Stundin






Eldhúsdagsdansinn






Fara efst á síðu