Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Forsætisráðherra eyðilagði þjóðhátíðardag Ragnars


Heyrði varla í mótmælendum fyrir hávaða í forsætisráðherra Argasti dónaskapur að hlusta ekki á þjóðina á þjóðhátíðardaginn


Ragnar Róbertsson er ósáttur við framgöngu forsætisráðherra á þjóðhátíðardegi Íslendinga.

„Í tilefni dagsins brá ég mér í betri fötin. Það eru að vísu bara flísföt, búin til úr aflóga plasti, en ég hef bara ekki efni á dýrindis jakkafötum þessa dagana“, útskýrir Ragnar.

„Svo skellti fjölskyldan sér í bæinn, svona til að blanda geði við aðra meðlimi þjóðarinnar. En þegar á Austurvöll var komið, þá bara heyrði ég ekkert í þjóðinni, fyrir hávaða og frammíköllum forsætisráðherra.

Um tíma voru svo mikil læti í ráðherranum að mér heyrðist þjóðin vera að raula „Banfærð vítisfórn“, en þegar forsætisráðherra þagnaði í augnablik til að draga andann, þá heyrði ég að hún var bara að syngja okkar ástkæra þjóðsöng „Vanhæf ríkisstjórn“.

Mér finnst auðvitað að forsætisráðherra hafi fullan rétt á því að halda lofræður, þó um sjálfan sig sé, og rölta um með blómakransa, en það er staður og stund fyrir allt. Hann ætti kannski ekki að gera það akkúrat þegar hann og ríkisstjórn hans eru algörlega ráða- fylgis- og ærulaus, og að auki með allt niðrum sig“, segir Ragnar að lokum, greinilega reiður, sár, og hneykslaður, og jafnvel dálítið svekktur, ef ekki bara hvekktur.






Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.
Eldhúsdagsdansinn






Fara efst á síðu