Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Hvernig er kjóllinn á litinn?


Kjóllinn skiptir litum Og eigandinn með


Margir hafa furðað sig á því hversu oft Guðmundur Steingrímsson skiptir um stjórnmálaskoðanir. Í einlægu, ítarlegu, frekar illa skrifuðu, sem og allt of löngu helgarviðtali við Gys.is ljóstrar Guðmundur upp leyndarmálinu á bak við skoðanaskiptin.

Orsökin er kjóll sem hann keypti á fylleríi í byrjun aldarinnar, fyrir árshátíð miðstjórnar miðbæjarfélags Samfylkingarinnar, sem Guðmundur tilheyrði þá. Kjóllinn var fagurrauður, og skoðanir Guðmundar einnig.

Nokkrum árum síðar breytti kjóllinn fyrirvaralaust um lit, og varð allt í einu og skyndilega framsóknargrænn. Í kjölfarið varð Guðmundur fyrir miklum og grafalvarlegum skoðanaskiptum.

Þegar kjóllinn varð svo formannsfjólublár, varð Guðmundur skyndilega stórhuga mjög og formannsaðist allur upp, innan Bjartrar framtíðar.

Í fyrrnefndu helgarviðtali, sem birt verður í fullri lengd á miðvikudaginn, segist Guðmundur óttast mjög að kjóllinn verði einn góðan veðurdag hægri grænn eða íhaldsblár...






„Löggulíf“






Fara efst á síðu