Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Lokaatriði Kristsdagsins var magnað


Vel heppnuð helgislepja í Hörpu Á helgum og heilögum degi Krists


Talsverður fjöldi íslenskra syndara kom saman í Hörpu í gær. Kristur sá sér ekki fært að mæta, en sendi í staðinn sérstakan fulltrúa sinn, Geir H. Haarde, sem bað guð sinn enn og aftur að blessa Ísland.

Guð varð ekki við beiðni Geirs síðast, svo spennandi er að sjá hvort hann taki betur í bón hans í þetta sinn.

Dagskrá Kristsdagsins þótti gríðarlega litrík og spennandi, og heiðruðu bæði fyrrverandi og núverandi biskupar viðstadda, með magnaðri nærveru sinni.

Boðið var upp á biblíulestur, lestur úr biblíunni, og biblíulestur úr biblíunni. Eitthvað fyrir alla.

Mesta lukku vakti þó lokaatriði hátíðarinnar.

Þá flutti biskup Íslands ljóðræna lofgjörð, og forsetinn sjálfur steig á meðan villtan fugladans. Gestir höfðu á orði að réttast væri að senda parið í Júróvision á næsta ári. Jafnvel skaparinn sjálfur gæti ekki fundið frambærilegri fulltrúa.

Kristsdagurinn á sér merkilega sögu.






Herrann í Hádegismóum...

Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.





Fara efst á síðu