Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Félagarnir riðu um Skorradal, en fundu engin merki um ESB, fyrir utan smávegis gæsaskít


Efast enn um tilvist Evrópusambandsins Telja spunameistara Samfylkingarinnar á bak við sögusagnirnar


Sigmundur Davíð og Bjarni Ben voru staddir í sumarbústað, þegar þeim bárust fréttir af því, að út væri komin ný skýrsla um Evrópusambandið.

Þeim brá í brún við að heyra að tilvist sambandsins væri staðfest í skýrslunni, því fyrir skömmu kom út skýrsla sem benti til hins gagnstæða.


Þá skýrslu samdi úglandaráðherra, næstum því aleinn og hjálparlaust. 

Í henni kom nefnilega hálfpartinn skýrt fram, að Evrópusambandið væri ekki til, og hefði trúlega aldrei verið.

Við þessi óhugnanlegu tíðindi, hentu þeir umsvifalaust frá sér vöfflunum, og héldu af stað í leitarleiðangur.

Þrátt fyrir ítarlega leit í nágrenni sumarbústaðarins, þá fundu þeir ekkert Evrópusamband.

Það er því enn samdóma niðurstaða stjórnarleiðtoganna, að Evrópusambandið hafi mögulega verið til fyrir kosningar, en sé pottþétt ekki til í dag.

Í sameiginlegri yfirlýsingu tóku þeir líka skýrt fram, að framvegis sé bannað að trufla þá með svona kjaftasögum, því vöfflurnar verði kaldar ef þær eru látnar standa of lengi.

Sigmundur Davíð vildi einnig nota tækifærið til að benda á, að prestar eigi ekki að skipta sér af pólitík.






Eldhúsdagsdansinn






Fara efst á síðu