Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Mengun frá álverinu í Straumsvík er innan skekkjumarka, að sögn upplýsingafulltrúa álversins


Fáránlega mikil mengun á Íslandi Ekki áhyggjuefni, segja talsmenn álvera


„Það er í raun hvergi í heiminum jafn mikil mengun, nema e.t.v. í nágrenni við kjarnorkuverið í Fukushima“, segir Sigurður H. Magnússon, gróðurvistfræðingur og frístundasmiður.

Mælingar undanfarinna ára sýna svo ekki verður um villst, að „hið hreina Ísland“ nálgast nú óðfluga að verða mengaðasta land í heimi.

Talsmenn álveranna segja þetta ekki áhyggjuefni. Þeirra mengunarvarnir séu bæði frábærar og æðislegar, og því algjör óþarfi að hafa áhyggjur af niðurstöðum einstakra mælinga sem kunni að vera utan skekkjumarka.

En hvað segir hæstvirtur iðnaðarráðherra?

„Bara fínt! Það er mikilvægt að byggja fleiri álver á Íslandi! Við sjálfstæðismenn fáum bara engar aðrar hugmyndir, sorry Stína! Ekki getum við öll lifað af því að tína fjallagrös?!!?“, svarar Ragnheiður Elín.

Nú jæja, en hæstvirtur umhverfisráðherra hlýtur þó að hafa áhyggjur af þessu, eða hvað?

„Nei, nei. Ég segi nú bara mengun, smengun og umhverfi, smumhverfi!“

Ekki er það nú málefnalegt, Sigurði Ingi?

„Málefnalegt, smálefnalegt! Við framsóknarmenn kunnum svakalega gott ráð við svona slæmum fréttum! Við lokum bara augunum, höldum fyrir eyrun, og teljum upp í 10. Sjálfur kann ég bara að telja upp í 8, en ég bíð þá bara í smástund eftir að ég er búinn að því, og þá er eins og að ég sé kominn upp í 10 sko.“

Og hvað gerist þegar þú ert búinn að telja upp í 10, fyrirgefðu, ég meina 8, og bíða í smástund?

„Þá eru bara allir farnir að tala um eitthvað annað. Tókstu t.d. eftir því að það var skipt yfir í auglýsingar allt of snemma eftir landsleikinn!“

Engar smjörklípur hér, á að gera eitthvað í þessu?

„Hvað finnst þér um lágkolvetnakúrinn? Mér finnst beikon nefnilega rosalega gott!“

Sigurður Ingi! Í alvöru! Á AÐ GERA EITTHVAÐ Í ÞESSUM MENGUNARMÁLUM?

[Nú lokar Sigurður Ingi augunum, heldur fyrir eyrun, og byrjar að telja]

RÚV greindi frá.






Eldhúsdagsdansinn






Fara efst á síðu