Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Ragnar setur Jesse Eisenberg í ruslflokk!


Horfði á ömurlega bíómynd Helgin handónýt


Ragnar Róbertsson varð fyrir því óhappi á föstudagskvöld, að horfa á ömurlega bíómynd.

Ragnar segist hafa upplifað „tilfinningalegan rússíbana“ í kjölfar áhorfsins.


„Fyrst fauk náttúrulega bara í mig“, segir Ragnar, og virðist nokkuð æstur.

„Svo varð ég í rauninni móðgaður. Móðgaður yfir því að svona lélegar bíómyndir séu yfir höfuð í boði.

Svo varð ég sorgmæddur. Sorgmæddur yfir því að hafa eytt tveimur klukkutímum af ævi minni í þessa vitleysu!

Söguþráðurinn var svo ótrúlega lélegur, að mig sveið í heilann langt fram eftir laugardegi!“

Ljótt að heyra Ragnar! Hvaða mynd var þetta eiginlega?

„Hún heitir „Now you see me“, en ætti í rauninni að heita „Never ever see me!“, sá titill gæti bjargað mannslífum. Allavega líður mér núna eins og líf mitt sé einskis virði.“

Þetta eru aldeilis hrikalegar fréttir!

„Já, ég er alveg miður mín. Ég hafði strax samband við Snæbjörn Steingrímsson, hjá SMÁÍS, og bað hann um að sjá til þess að í framtíðinni yrði sett viðvörun á svona lélegar myndir. En hann sagðist bara vilja fá meiri pening. „Meiri pening, meiri pening“, tautaði hann stanslaust. Það þýddi ekkert að reyna að tala við hann.“

Jæja, Ragnar minn, þú jafnar þig vonandi á þessu.

„Já, takk. Ég held að eina leiðin sé að forðast myndir með Jesse Eisenberg eins og heitan eldinn! Ég meina, hann á að vera einhver töffari í þessari mynd?! Það er svona álíka raunhæft og ef að ég væri látinn leika unglingsstúlku!“








„Löggulíf“






Fara efst á síðu