Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Sigmundur á sem betur fer nokkuð gott úrval af stórum skóm


Sigmundur Davíð seldi skóna sína Fékk 175 þúsund fyrir þann vinstri


„Þeir líta ágætlega út, en lyktin maður! Lyktin gæti útrýmt nokkrum sjávarþorpum! Ég þurfti að setja klemmu á nefið og stinga hausnum út um gluggann á bílnum, þegar ég var að ferja skóna á milli staða!“, segir Ágúst Þór Ágústsson, sem ekki vill láta nafns síns getið.

Ágúst keypti vinstri skó Sigmundar Davíðs á 175 þúsund krónur, en fékk þann hægri á hálfvirði.

„Þetta er í sjálfu sér ekkert svo hátt verð“, bætir Ágúst Þór við í afsökunartón.

„Þetta er bara svipað verð og á svona Nike skóm út í búð.“

Sigmundur Davíð setti strax allar 262.500.- krónurnar í skuldaleiðréttingasjóð sem hann hefur stofnað í sparibauknum sínum.

En hvernig ertu í fætinum Sigmundur, ertu laus við sýkinguna?

„Ég er fínn í miðfætinum, HAHAHA! En svona í fullri alvöru, þá versnar þetta bara stöðugt. Fóturinn á mér er orðinn þrefaldur að stærð, og ég neyðist til að ganga í trúðaskóm! Læknirinn minn segir að þetta séu trúlega ofnæmisviðbrögð. Ég fór nefnilega til útlanda til að hitta Obama. Ég hef sko ofnæmi fyrir útlöndum!“

Ekki borðaðir þú útlenskan mat?

„Nei, ég er nú ekki alveg genginn af göflunum! Ég tók auðvitað með mér hangikjöt og harðfisk! Það er bara nóg fyrir mig að vera umkringdur útlendingum og þurfa að tala útlensku og svona, þá fæ ég oft sýkingu. Oft þarf miklu minna til, ég get t.d. ekki horft á útlenskan fótboltaleik, eða lesið útlenskar bækur, þó það sé búið að þýða þær.“

En nú hefur þú oft skellt þér á landsleiki í knattspyrnu. Það má segja að það sé hálfútlenskur leikur. Hvernig ferðu að því?

„Þá horfi ég bara á íslenska vallarhelminginn.“

Þannig að þú missir af öllum mörkum sem Ísland skorar?

„Nei, nei. Þegar við skorum þá lít ég leiftursnöggt yfir á hinn vallarhelminginn. Það var samt aldrei vandamál þangað til nýlega bara, oftast þurfti ég aldrei að gjóa augunum að marki andstæðingsins. En núna er þetta orðið mjög slæmt ástand. Fóturinn á mér varð alveg fjórfaldur þegar ég horfði á leikinn gegn Sviss!“

Nú erum við komnir langt út fyrir efnið Sigmundur. Gangi þér vel að safna í skuldaleiðréttingasjóðinn.

„Já, þetta er fljúgandi start, ég er nú þegar kominn með 815 krónur á hvern Íslending! Skuldaleiðrétting nálgast!“

RÚV greindi frá.






„Löggulíf“

Telur Miðflokksmenn talsvert undir meðalgreindPálmi Gestsson sem tók þátt í rannsókn Attenborough á Miðflokknum segir niðurstöðu rannsóknarinnar í senn sláandi og afgerandi.

Miðflokksmenn séu augljóslega langt undir meðalgreind, en kjósendur þeirra þó enn vitlausari.





Fara efst á síðu