Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Bíógengið dressaði sig upp fyrir frumsýningu


Íslenska þjóðin brá sér í bíó Í fyrsta sinn sem tvær byssur sjást í „íslenskri“ mynd


Baltasar Kormákur bauð í gærkvöld íslensku þjóðinni í bíó. Allir mættu, nema Dorrit og Leoncie. Þær búa báðar í útlöndum, og því bárust boðskort þeirra of seint.

Kunnugir segja að þær hafi verið gjörsamlega miður sín, þangað til Bubbi Morthens benti þeim á að sækja bara myndina á Deildu.net.


Ólafur Ragnar vildi ekki mæta einn, og bauð því góðvini sínum, Guðna Ágústsyni, að koma með sér.

En mesta athygli vakti þó nýjasta ofurpar landsins, þeir Halldór Jónsson og Gylfi Ægisson. Þeir skelltu sér í sleik fyrir mynd, í hléi, sem og að sýningu lokinni.

Þá steig Guðni Ágústsson fram og sagði: „Þar sem tveir hommar koma saman, þar er sleikur!“

Hlógu nú bíógestir dátt, en hæst allra hló Halldór Jónsson.

Allir voru sammála um að þetta væri langbesta hasarmynd allra tíma. Þó varð blaðamaður var við talsverða skelfingu meðal bíógesta þegar ljóst varð að myndin fjallaði hvorki um gamlan bónda sem fluttur er nauðugur á mölina, né um hetjuskap íslenskra sjómanna.
Eins þótti mörgum illskiljanlegt að hvorki væri minnst á geðsjúkdóma né draugagang.

„Það venst trúlega, rétt eins og þessi samkynhneigð, við gerum bara það besta úr þessu og fáum okkur smá vodka!“, sagði Gylfi Ægisson og boðaði til gleðigöngu heim til sín.

Að lokum steig Árni Johnsen á svið og söng um kartöflugarðinn sinn, en þá voru allir farnir í partí til Gylfa.

Frétt DV






Eldhúsdagsdansinn






Fara efst á síðu