Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Hér má sjá að boltinn er ekki á réttum stað. Brandur kannast þó ekki við að hafa fært hann.


Margskemmt útilistaverk Listamanninum ekki margskemmt


Glæsilegt útilistaverk sem Ragnar Róbertsson setti upp fyrir framan heimili sitt í Breiðholti, hefur ítrekað orðið fyrir barðinu á skemmdarvargi.

Ragnar hefur þurft að lagfæra listaverkið hvað eftir annað, stundum nokkrum sinnum á dag.


Verkinu var ætlað að lífga upp á líf breiðhyltinga, og var hluti af verkefni Reykjavíkurborgar - „Sorgarborgartorgdorg - úthverfi og innræting“.

Með verkefninu átti að gera skapandi listamönnum færi á að næla sér í styrki, og benda um leið öðru fólki á, að auðvelt er að vinna fyrir sér með alls kyns fíflagangi, ef maður þekkir rétta fólkið.

En hvað felst í listaverki Ragnars?

„Verkinu er ætlað að erta skilningssljó skilningarvit nútímamannsins og fá hann til að aðlagast ósjónrænum lyktaráherslum í almenningsrými samtímans“, segir Ragnar.

„Ég tók gamlan leikfangabangsa og smurði hann með nýkreistu kattahlanndi og fersku naflakuski. Svo setti ég lítinn bláan bolta milli fóta hans. Boltinn táknar áherslu vestrænnar menningar á kúlur milli karlmannsfóta, en bendir í leiðinni á hversu smá jörðin er í víðtæku samhengi alheimsins“, bætir Ragnar við, og á svip hans má sjá að mikil og djúp hugsun liggur að baki verkinu.

En hvers konar skemmdarverk hafa verið framin á verkinu?

„Sko, á hverjum morgni þegar ég kem út til að njóta listaverksins, þá er búið að færa boltann! Mig grunar sterklega að skemmdarvargurinn sé hann Brandur af efri hæðinni. Bæði vegna þess að hann hefur svo gaman að því að leika sér með svona litla bolta, en líka af því að hann gæti verið að hefna sín fyrir kattahlandskreistinguna.“

En er þetta nokkuð stórmál, getur þú ekki bara fært boltann á sinn stað?

„Það misbýður listrænu frelsi mínu að þurfa stöðugt að endurskapa þetta almenningsrými! Ég hef þegar haft samband við borgarstjóra og beðið hann um að setja upp eftirlitsmyndavélar. Ef það dugar ekki þá mun ég bara fara fram á það að fá sérsveitina á staðinn. Það dugar trúlega ekkert minna en norska aðferðin á hann Brand!“

Samskonar skemmdarverk hafa verið framin á fleiri listaverkum sem nú prýða almenningsrými borgarinnar.






„Löggulíf“

Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.





Fara efst á síðu