Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Júróvisionkvöld Ragnars misheppnaðist alveg!


Missti af íslenska laginu. Sofnaði yfir Ungverjalandi.


„Þetta var alveg hræðilegt kvöld“, segir Ragnar Róbertsson, miður sín, rétt eins og venjulega.

„Ég var búinn að skipuleggja kvöldið alveg rosalega vel. Ég pantaði pizzu fyrir mánuði síðan og bað um að hún kæmi stundvíslega klukkan 7.


Svo hringdi ég á hverjum degi til að athuga hvort það væri nokkuð búið að týna pöntuninni, og líka til að ítreka að ég vildi alls ekki rauðkál á pizzuna!

En svo var pizzan ekki komin klukkan hálf níu!

Ég var orðinn ansi spenntur að sjá Eyþór, en svo var ungverska lagið svo rólegt, að ég bara steinsofnaði!“, segir Ragnar og brestur í grát.

„Ég vaknaði ekki fyrr en komið var fram í stigagjöfina! Og þá tók nú ekki skárra við, því Ísland fékk allt of fá stig! Ég bara skil ekkert í þessum Evrópubúum. Mér finnst að við ættum að hætta að gefa öðrum þjóðum 12 stig þangað til einhver gefur okkur 12 stig! Svo finnst mér að við eigum að fá að gefa stig síðast, þannig að við vitum hverjir gáfu okkur stig, áður en við ákveðum hverjum við viljum gefa stig!“

En hvað varð um pizzuna?

Hún kom klukkan 7 í morgun! Fínasti morgunmatur svo sem.

Eitthvað að lokum Ragnar minn?

„Já, ég vil að hver sá sem verður utanríkisráðherra hafi samband við Evrópusambandið og tryggi það að framvegis verði svona róleg lög höfð síðast í keppninni, svo maður missi ekki af öllu! Til vara að íslenska lagið sé alltaf fyrst í röðinni!“

Ragnar Róbertsson er góðkunningi Gys.is.
Hér má sjá allar fréttir af honum.






Telur Miðflokksmenn talsvert undir meðalgreindPálmi Gestsson sem tók þátt í rannsókn Attenborough á Miðflokknum segir niðurstöðu rannsóknarinnar í senn sláandi og afgerandi.

Miðflokksmenn séu augljóslega langt undir meðalgreind, en kjósendur þeirra þó enn vitlausari.
Herrann í Hádegismóum...






Fara efst á síðu