Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Dómarar við Hæstarétt Íslands


Nauðsynlegt að uppfæra hugbúnað hæstaréttardómara. Hafa takmarkað minni og nánast enga reiknigetu.


Að sögn hugbúnaðarsérfræðings við Háskóla Íslands er löngu tímabært að uppfæra hæstaréttardómara landsins.

„Flestir þeirra eru enn með upphaflegt firmware og hafa ekki verið uppfærðir frá síðustu öld“, segir hann.


„Þetta er börn, fyrirgefðu, vélmenni síns tíma. Þeir hafa ekkert diskpláss og mjög takmarkað minni. Það er þess vegna sem þeir dæma alltaf gegn fréttamönnum. Það er ekki búið að installa fjölmiðlalögum í þá, það er bara ekki pláss til þess!“

En hvað með hvítflibbaglæpona og hrunvalda? Er þetta ástæðan fyrir því að þeir sleppa allir með væga dóma eða jafnvel sýknu?

„Það er nátengd ástæða fyrir því. Reiknigeta dómaranna er nánast engin. Um leið og málin eru farin að snúast um milljarða, eins og oft vill verða, þá botna þeir ekki neitt í neinu. Það er svo innbyggt í kjarnaforrit þeirra að sýkna frekar en sakfella þegar svo er í pottinn búið.“

Af hverju eru dómararnir ekki uppfærðir?

„Það eru náttúrulega ekki til peningar. Íslenska ríkið getur ekki hagað sér eins og SMÁÍS og sleppt því að greiða fyrir hugbúnað. En hluti dómaranna er líka algjörlega úreltur, það væri aldrei hægt að uppfæra þá alla.“

Hvað er þá til ráða?

„Það hafa ýmsar leiðir verið ræddar. Núna erum að skoða möguleika á að flytja inn apaketti frá Indónesíu, sem gætu sinnt þessu starfi. Annar möguleiki væri að líta á þetta starf sem atvinnubótavinnu. Við þurfum allavega að losna við þessa afdönkuðu og úreltu róbóta.“

Þakka þér fyrir spjallið C-3PO.







Herrann í Hádegismóum...






Fara efst á síðu