Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Biskup og þingmaður: - Myndin tengist fréttinni ekki beint


Biskup og þingmaður flytja inn lækningatæki Sammála um að umboðslaunin komi sér vel


Biskup Íslands, Agnes M. Sigurðardóttir, hefur stofnað einkahlutafélagið Agnsker ehf, sem ætlað er að flytja inn lækningatæki til að selja Landsspítalanum. Sömu sögu er að segja um þingmanninn Sigríði Ingibjörgu Ingadóttur, sem einnig hyggst selja Landspítalanum lækningatæki gegnum hið nýstofnaða fyrirtæki sitt, Sigmælir ehf.

Agnes hefur nú lýst því yfir að hún hyggist láta þjóðkirkjuna safna fé til að kaupa lækningatæki af sér og hefur Sigríður kvartað sáran yfir því, enda sé fótunum þar með kippt undan rekstri síns fyrirtækis. Sjálf segist hún ekki hafa burði til að safna jafn miklum peningum og þjóðkirkjan.

- Mér finnst þetta gríðarlega ósanngjarnt, því biskupinn er á miklu hærri launum en þingmaður. Þess vegna barðist ég einmitt fyrir því að þessar 40 milljónir sem kirkjan fékk aukalega í fjárlögum, færu frekar til Landspítalans. Þaðan hefði svo stór partur af þeim getað farið til mín.

Aðspurð um hvers konar lækningatæki hún hafi ætlað að selja Landspítalanum, svarar Sigríður:

- Ég ætlaði að flytja inn alveg nýja gerð hitamæla, sem ekki hafa áður verið notaðir á spítalanum. Þetta eru svona eins konar kjöthitamælar, sem stungið er beint í lærið á sjúklingnum. Þannig er hægt að fylgjast með hitanum jafnóðum og það er auðvitað mikil framför.

Agnes biskup segist í viðtali við Gys.is ætla sér að flytja inn stærri og öflugri hnífa til að fljótlegra verði að skera sjúklinga upp.

- Þetta eru stórir og öflugir rafmagnshnífar, allt frá þessum venjulegu rafmagnssteikarhnífum sem almenningur þekkir og upp í keðjusagir sem eru vel þekktar t.d. í skógarhöggi.






Herrann í Hádegismóum...






Fara efst á síðu